Magde-deploy ng anim na FA-50s o fighter aircraft ang Philippine Air Force upang kumatawan sa bansa sa nalalapit na “Pitch Black” exercises na panangungunahan ng Royal Australian Air Force.
Ayon kay PAF Spokesperson Col. Ma. Consuelo Castillo, bukod sa fighter aircraft, gagamitin din ng PAF ang kanilang C130 plane para doon ikarga ang mga support equipment na kanilang gagamitin.
Ayon pa sa opisyal, ito ang unang pagkakataon na sasali ang PAF sa international exercise, dahil sa nakaraang panahon ay nagpadala lamang sila ng mga tauhan na nagsilbing mga observers.
Inaasahan na mahigit sa 100 na tauhan ng PAF ang sasali sa exerciseo mula July 12 hanggang August2 sa Darwin, Australia.
