Sinalakay ng pinagsanib-puwersang Department of Trade Industry-Fair Trade Enforcement Bureau at Philippine National Police – Southern Police District ang isang nagpapanggap na milk tea shop na nagbebenta ng ipinagbabawal na vape products sa Baclaran.
Nakumpiska ang nasa higit 400 na mga kahon ng vape products at tinatayang halos P20M ang halaga ng mga ito.
Napag-alamang makikita ang naturang establisyemento malapit sa Baclaran Elementary School na mahigpit na ipinagbabawal sa batas.
Una nang sinuspinde ng DTI ang pagtigil ng produksyon ng tinatawag na ‘flava vape products’ sa paglabag nito sa RA 11900 o ang Vape Law kung saan nakapaloob na bawal ang flavored vape na nanghihikayat sa mga menor-de-edad.
