GIKUMPIRMA sa labaw sa City Permits Division nga nakaabot kaniya ang impormasyon nga adunay nagpa-disco sa area sa Barangay Buayan milabay nga gabei ug wala matud pay napagawas nga special permit ang ilang opisina.
Sa paghinabi sa 89.5 Brigada News FM Gensan kay Licensing Officer 4 Gerladine Zamora sumala niini nga nakaabot kaniya ang impormasyon gabei na ug nagapasalamat kini sa aksyon nga gihimo sa kapulisan sa Lagao.
Sa iyang bahin iyang ginakumpirma nga wala silay napagawas nga special permit alang sa pa-disco sa Barangay Buayan kay bawal paman ang mao nga aktibidad niining panahuna,ang ubang aktibidad sa mga negosyo sama sa motorcade, live band adunay special permit nga ginakuha ug sa pagtugot sa Local IATF.
Tungod sa mao nga hitabo naga panawagan si Zamora sa taga Gensan nga bawal pa ang mga panagtapok sama sa pa-disco kon wala gitugotan sa IATF, sa mga establisemento sila ang naga- inspesction ilawom gihapon sa pagtugot sa IATF.
Gidugang ni Zamora nga tag P150 pesos lang ang bayad sa special permit subay sa Local Revenue Code.
Samtang sa ubang barangay wala pa sila nagatugot sa pa-disco sumala kay Kagawad Sam Badtigan nga iyang kaugalingon nga opinion bisan may request ang purok sa karon nga sitwasyon nga anaa pa ang pandemya dili pa angayan ang disco. (Ver Diazon)
