Pumalo sa mahigit P74-billion ang halaga ng iligal na droga na nakumpiska ng mga otoridad mula nang mag-umpisa ang war on drugs ng administrasyon ni Pangulong Rodrigo Duterte noong 2016.
Sa isang taped briefing, ay sinabi ni Interior and Local Government Secretary Eduardo Año na mula sa nasabing halaga, ay P62.36-billion nito ay shabu na may kabuoang timbang na 9,755.54 kilograms.
Nasa mahigit 500 kilograms naman ang cocaine, 149,138 na piraso ang ecstasy, at nasa mahigit 9,300 kilograms naman ang narekober na marijuana.
Samantala, naiulat rin ni Año na umabot na sa 319,000 na drug suspects ang naaresto mula July 1, 2016 hanggang November 30, 2021.
