GIPASALAMATAN ni Robert Cang, General Manager sa LADOTRANSCO ang LGU-GenSan sa padayung tabang ug suporta sa mga kooperatiba sa GenSan.
Kini human nga nadawat sa LADOTRANCSO ang cheke nga nagkantidad og P7.1 million gikan sa LGU-GenSan, Biyernes Pebrero 17.
Ang maong kantidad ang gihatag alang sa 71 ka units nga giaplayan sa LADOTRANSCO alang sa City’s Special Support Fund sa National PUV Modernization Program.
Bag-o ang maong turn-over sa checke, adunay MOA signing niadtong Desyembre 9, 2022 alang sa partnership sa LADOTRANSCO ug LGU-GenSan.
Dungan sa pagtugyan sa maong checke ni Mayor Lorelie Pacquiao sa maong transport cooperative, gipasalig ang padayung suporta ug gihagit ang mga miyembro nga magpadayun sa ilang maayong ehemplo alang sa uban pang kooperatiba sa syudad.
