Naga-abot sa P50,000 ru pabuya nga gin offer it pamilya Arcenio sa sin-o man nga makaturo sa suspek sa pagbaril patay sa myembro it andang pamilya nga sangka bank employee.
Padayon ru pag monitor it kinahamtangan ni Bernie Tipay alyas Noy, 41 anyos, ru gina turo nga suspek sa pagbaril patay sa bank employee nga si Jonalyn Arcenio it Brgy. Camanci Norte, Numancia, Aklan.
Kun matandaan, natabo ru pag baril patay sa Brgy. Camanci Norte, Numancia samtang naga sakay sa tricycle ru biktima paadto konta sa gina trabahuhan nga bangko sa banwa’t Kalibo.
Naka angkon it brutal nga pag baril sa ueo ag ibang parte it kaeawasan ru biktima.
Gina kabig nga Most Wanted Person sa Aklan si Bernie Tipay matapos maka paeagyo sa lugar.//MARIVIC Y. ILIN
