LEGAZPI CITY – Maabot sa 3 million pesos na kantidad nin tabang pinansyal an naipanao na kan Albay Provincial Disability Affairs Office (PDAO) para sa mga Persons with Disability (PWDs) sa probinsya kan nakalihis na taon 2023.
Segun sa opisina, nasa labi 700 na mga PWDs sa probinsya an nabenepisyaran kaini.
An tabang pinansyal, naipanao sa lindong kan programang Assistance to Individuals in Crisis Situation (AICS) para sa nasambit na sektor bilang asistensya sa pagtustos kan saindang mga pangangaipohan.
Apwera pa digdi, nakapanao man an nasambit na opisina nin educational assistance sa nasa labi 2,000 na mga PWD students sa elementarya hasta kolehiyo.
