Naga-abot sa P30,000 nga reward o pabuya sa sin-o man nga makatap it impormasyon o maka dakup sa suspek nga pumatay sa 23 anyos nga pawnshop manager sa banwa it Kalibo, Aklan.
Hlain kay Kalibo Mayor-elect Juris Sucro ru nasambit nga pabuya sa katuyu-an nga mapadasig ru pag-angkon it hustisya sa pagkamatay it biktimang si Bonna Ambay y Hercia.
Ru biktima nga nakitang nakahandusay ag patay eon sa sueod mismo it pawnshop establishment sa Mabini Street, Poblacion, Kalibo kahapon.
Nag pabulig ru Kalibo Municipal Police Station sa Aklan Crime Forensic Unit 6 agud mai-proseso ru crime scene kunsiin naga guwa sa resulta nga naka angkon it multiple stab wounds sa katawan.
Nabuoe man it nga kapulisan ru sangka handbag nga may mantsa it dugo nga gina panag-iyahan it biktima, sang pares nga tsinelas nga gina patihan nga gina panag-iyahan it suspek, sangka posas nga may dugo, coin purse, sangka kutsilyo nga may mas o minus 21 sentimetro ag may dugo, sangka security guard uniform (long sleeve) nga may una nga name tag nga TORREFIEL MR ag tuwalya nga parehong may dugo.
Samtang, sa gin himo nga imbestigasyon it Kalibo MPS, gin pahayag ni Ms. Leamil Malungayon, Area Manager it RD Pawnshop nga uwa man it may nadueang bagay sa sueod it vault.//SHERRY ANNE REUNIR-VIDAL
