LEGAZPI CITY – Maabot sa poko mas omenos P300,000 na kantidad ki pinagtutubudang “shabu” an nasamsam kan mga otoridad sa ikinondusir na operasyon kontra iligal na droga sa Purok 1, Brgy. 32, San Roque, Legazpi City na ikinaarestar kan 28 anyos na lalaking suspek.
Residente kan kaparehong barangay an suspek na nadakop kan pinagsarong esfuerso kan Legazpi City PNP, PDEA Albay, PDEA Legazi asin PIU Albay PPO.
Nasa 48.097 grams nin pinagtutubudang “shabu” an nakumpiskar kan mga operatiba gikan sa suspek.
Nahahampang ini sa kasong pagbalgar sa RA 9165 asin presenteng nasa kustodiya kan nasambit na pulisya para sa magkakanigong disposisyon.
