Tuman guid ang kalipay kag pagpasalamat sang mga benepisyaryo sang Financial Assistance halin sa gobyerno probinsyal sa idalum sang administrasyon ni Governor Fredenil Castro nga ginpa-abot pina-agi sa kay Chairman of Committee of Health, Board Member Thea Faith Reyes.
Ini nga bulig ang para sa medical kag burial expenses sang pila ka mga kauturan nga nagakinahanglan sang bulig sa primero distrito.
Nagabalor P200,000 nga Aide to Individual in Crisis Situation (AICS) ang napa-abot sa mga benepesyaryo.
Suno pa kay Board Member Reyes, nga luyag ipa-abot sang Gobernador nga indi sya maluyag paslawon ang mga nagadangop sa Kapitolyo kag apesar sang kapiot kag kabudlay, magapauli man sila nga may yuhom sa gihapon.
