NAKUMPISKA ang kinatibuk-ang P2.2 milyon kantidad sa iligal nga droga ang usa kaadlaw nga Simultaneous Anti-Criminality Law Enforcement Operations (SACLEO).
Base sa datus sa Police Regional Office (PRO) 12, miresulta kini sa pagkasikop sa 34 gituohang drug personalities. Ang maong kantidad sa gidiling droga ug pagkasikop sa maong mga personalidad ang dungan sa paglusad sa 19 anti-illegal drugs operation.
Asa naa sa 325.403 gramo sa shabu ug 0.9 gramo sa gidudahang marijuana ang nakumpiska. Matud ni Police Brig. Gen. Percival Augustus Placer, regional director sa PRO-12 gimandu niya sa tanang provincial ug city police director.
Ang pagpahugot sa kampanya sa iligal nga droga ug pagsunod sa rule of law sa mga operasyon. Samtang miapela kini sa publiko nga suportahan ang kapulisan sa kampanya batok iligal nga droga pinaagi sa paghatag og impormasyon. I Richel Gubalani
