Napasakaan na sa kaso sa mga otoridad ang mga responsabli sa pagpalusot sa mga ilegal nga sigarilyo nga nakompiska sa National Bureau of Investigation Northern Mindanao pinaagi sa gilusad nga entrapment operation sa Lugait, Misamis Oriental.
Sumala ni NBI-10 Regional Director Atty. Patricio Bernales nga gikarga sa 6-wheeler truck ang 40 ka kahon sa sigarilyo diin posibling gikan pa kini sa western part sa Mindanao.
Subay niini, hugot karon nga gibantayan sa NBI ang posibilidad nga dunay mga nagkatag nga ilegal nga mga sigarilyo sa mga merkado.
Una nang nagduda ang nahisgutan nga buhatan nga ready-made product ang mga gipasulod o imported nga walay saktong dokumento o walay gibayran nga buhis.
Sa karon, ang mga nakompiska nga sigarilyo, takda nga i-turn over sa NBI sa proper disposal agency.
