MOAPELA ang local government unit (LGU) sa Commission on Audit (COA) human gisita sa gipanghatag nga P126 milyon goodwill bonus. Matud ni Atty. Franklin Gacal Jr., city administrator dunay gahum ug katungod ang LGU sa paghatag og grant sa mga empleyado.
Kini ang tubag ni Gacal Jr., dungan sa gipagula nga ‘notice of disallowance’ sa state auditor.
Asa base sa notice walay legal nga basehan ang LGU sa paghatag og bonus tungod nahatag na ang benepisyo ug sweldo sa mga empleyado ilawom sa Republic Act 11466 o Salary Standardization Law.
Gisita sa COA ang P126 milyon ‘goodwill’ o mas ilado sa Laudable Government Performance (LGP) bonus atong 2022.
Nadawat sa mga empleyado mao ang P80,000 goodwill bunos, P25, 000 Collection Negotiation Agreement (CNA) ug P10,000 Service Recognition Incentive (SRI).
Sa maong panahon, nakadawat usab og P20, 000 ang mga Job Order isip Christmas bonus.
Lakip sa gipa-explain mao ang mga konsehal ug myembro sa Sangguniang Panlungsod (SP).
Butyag ni Konsehal Jose Edmar Yumang, kanhi chairman sa committee on finance sa konseho nakita nila ang problema kaniadto.
Apan nagtuo ang opisyal nga matubag sa LGU ang gipadalang notice sa state auditor. Wala man miatubang sa kamera ang pipila ka empleyado, apan sagad kanila nagkanayon nga sila ang andam nga ibalik ang nadawat nga bonus. I Richel Gubalani
