MOHATAG og tag P100 million ang National Housing Authority kun NHA sa kada probinsiya nga grabeng giigo sa Bagyong Odette.
Sa iyang pagpamulong sa Cebu City, gipamahayag ni Pangulong Duterte nga ang Department of Interior and Local Government kun DILG ang mudumala sa paghatag og pondo nga maggikan sa NHA aron masiguro nga mahimong hapsay kini.
Gipasalig usab sa Pangulo nga may mga pulis ug militar aron magpabilin ang kahapsay ug mahimo sa mga empleyado ang ilang trabaho.
Ang nahisgutang kantidad matud pa ang gamiton alang sa subling pagpabarog sa mga naguba nga balay sa mga apektadong residente.
“It’s a good thing that the Housing (NHA) offered P100 million worth of building materials,” segun kang Duterte.
Giuna lang matud pa nila ang pagpanghatag og pagkaon aron walay magutman.
