Arestado ro sangka eaeaki sa ginkasa nga drug buy bust operation sa Brgy Muelle Loney, City Proper Iloilo ku Enero 16.
Nakumpiska sa subject person nga si alyas “Angelo”, 24yo ro P1.3 milyong piso nga balor it suspected shabu.
Base sa Iloilo City Proper Police Station 1, unang nakumpiska sa drug buy-bust operation kay alyas “Angelo” ro 10 sachets it suspected shabu nga may timbang nga 95 grams ag nagabalor it P646,000.
Kat ginserbi sa suspek ro search warrant, narekober it mga otoridad ro sangka caliber .38 nga baril ag 100 grams it suspected shabu nga nagabalor it P680,000.
Naga pangatubang makarun ro suspek sa kasong pag eabag sa RA 9165 (Comprehensive Dangerous Drugs Act of 2002) ag RA 10591 (Comprehensive Firearms and Ammunition Regulation Act). // ANN DESLENE SALAZAR
