KORONADAL CITY – UMAABOT sa P 204.2 billion ang inindorsong budget proposal ng Regional Development Council o RDC Region 12 para sa mga priority programs at projects nito sa susunod na taon sa ilalim ng SOCCSKSARGEN Regional Development Plan 2023-2028.
Malaking bahagi ng naturang pondo o 44% ng kabuuang Fiscal Year 2024 budget ay para sa mga priority programs ng social sector; 41% sa infra sector; at ang naiwang 15% ay para naman sa economic at governance development.
Kabilang sa mga proposal ng social sector ay para sa edukasyon, social protection at kalusugan habang kabilang naman sa mga infrastructure proposals ay ang construction ng mga daan, highways at improvement ng General Santos at Central Mindanao Airport at Port of General Santos.
May malaking share din sa proposed budget ang food security, peace and order at good governance.
