CAMARINES NORTE- Sumampa na sa 82. 6 % ang over- all accomplishment ng Mercedes, Camarines Norte sa COVID- 19 vaccination.
Batay sa datos hanggang noong March 22, 2023 nasa 31, 260 na ang nabakunahan sa naturang bayan sa target na 37, 857.
Nasa 2, 898 naman o 71. 1 % ng target na 4, 076 ang nabakunahang senior citizen.
Sa edad 18- 59 ay nasa 90.0 % na ang nabakunahan sa target na 23, 042.
Lagpas naman sa target ang nabakunahan para sa edad 12- 17 na mayroong 106 % habang 43.0% naman sa 5-11.
Pero mababa pa ang nabakunahan ng booster dose na nasa 5, 856 o 15. 5 %.
Ang mataas- taas nang COVID- 19 vaccination coverage sa naturang bayan ay bunga ng mga ginawang interventions ng LGU.
Namigay ng bigas at laruan naman sa mga bata ang LGU noong mga nagdaang araw na isang paraan para makahikayat ang mga residente na magpapabakuna.
