NAGA CITY- Muling magmamartsa ang mga Boys at Girls Scout matapos ang dalawang taon , ngayong araw ginaganap na ang BSP/GSP, Drum and Lyre Competition kaugnay ng Peñafrancia Festival 2022.
Nitong mga nagdaang araw, naging abala ang mga daan sa Lerma, Dinaga at San Francisco patungo sa Plaza Quezon dahil sa pagpractice ng mga kalahok.
Ayon kay Dinaga Punong Barangay Doris Lee, sakop ng parada ang main streets ng kanilang Barangay, ang mga barangay officials at barangay tanod ang makakatuwang ng PNP at force multiplier sa pagpapanatili ng kapayapaan sa lugar.
Ayon kay Lee kung may augmentation force ang PNP, may dagdag ding pwersa ang masasamang loob kaya kailangan magdoble ingat halimbawa sa mga mandurukot at snatchers.
Samantala , sa bisa ng Executive Order 2022-027 , walang pasok ngayon sa mga pampubliko at pribadong paaralan sa Naga, gayundin bukas kung kailan gaganapin naman ang Civic Parade.
