NAGA CITY – Alinsunod sa pinirmahan ni Pangulong Ferdinand “Bongbong” Marcos Jr. ang Executive Order No. 3, na nagpapahintulot ng boluntaryong paggamit ng face mask sa labas o outdoor settings, nagpalabas na rin ng kanyang kautusan si Naga City Mayor Nelson Legacion hinggil dito.
Sa pakikipag-usap ng alkalde sa mga taga media, agad niya itong ipatutupad sa lahat ng mga aktibidad ngayong Peñafrancia Festival.
Tamang-tamang aniya dahil sa mga paradang mangyayari sa lungsod tulad ng Boys and Girls Scouts Parade na gaganapin ngayong umaga na ayon kay Legacion, ang mga kalahok ay puwede ng huwag gumamit ng face mask.
Bukod diyan ang iba pang mga parada tulad ng Civic and Float Parade at Bicol Region Military Parade.
Batay kay Legacion na isang abogado, ipinaliwanag niya rin ang nakapalaman sa EO no.3 ng pangulo, kaya agad nila itong ipatutupad mula sa araw na ito sa buong lungsod.
Pero ang mga immunocompromised at senior citizen pati hindi bakunado ay hinihikayat ng EO na magfacemask pa rin.
