GIKULANG na og oxygen supply, ubang medical equipment ug manpower ang usa ka COVID-19 referral hospital sa GenSan, dungan sa nasinatiang “admission surge”, butyag ni Matud ni Antonio Veneracion, Chief Operating Officer sa St. Elizabeth Hospital (SEH).
Matud ni Veneracion, sagad sa COVID-19 patient nga naadmit kanila karon ang naa na sa moderate, severe ug critical cases hinungdan sa kakulangon na nila og supply karon sa oxygen hangtud naabot na sila sa Cagayan De Oro (CDO) ug panguha og supply.
Giangkon niini isip referral hospital sa GenSan alang sa severe ug critical cases taas ang ilang fatality rate sa COVID-19. Base sa paghulagway ni Veneracion, overwhelm na ang ospital sa pagsipa na sa 40% positivity rate nila gawas pa sa 50 nga waitlist.
“Tungod sa kadaghan og pasyente partikular na sa COVID-19 gikulang napud me og mga tao nga mo-atiman,” asoy ni Veneracion.
Dugang niini, gumikan sa ilang sitwasyon dili na sila kadawat karon og dugang admission sa COVID-19 patient. Sama usab niini ang sitwasyon sa government-run hospital sa GenSan gikulang na og supply sa oxygen ug naa sa 45% ang positivity rate. Puno na ang bed capacity sa maong tambalanan rason sa pagsaka sa halos 50 na usab sa mga COVID-19 patient nga naa sa waitlist. Samtang sa ulahing datus sa City Epidemiology and Surveillance Unit (CESU) as of gahapon misaka na sa 3.38% fatality rate sa GenSan. (Richel Gubalani)
