Inilunsad ng Bureau of Immigration ang kanilang online application para sa Special Study permit sa mga dayuhang nais na mag-aral sa bansa.
Ayon kay Immigration Commissioner Norman Tansingco, bahagi iyo ng modernization effort ng ahensiya na umaayon sa “Bagong Immigration towards the Bagong Pilipinas.”
Ang SSP ay ipagkakaloob sa mga foreign students na susunod sa kanilang pamantayan, kabilang ang mga estudyanteng wala pang labing-walong taong gulang, naka-enroll at tinanggap sa isang non-degree course, naka-enroll at tinanggap sa course na mas mababa sa isang taon, o isang trainee o intern na kumukumpleto ng degree course.
Dagadag pa rito, ang mga estudyanteng naka-enroll sa aviation o flying school para makumpleto ang kinakailangang bilang ng kanilang flying hours ay eligible rin sa SSP.
Maaaring mag-apply ng permit sa pamamagitan ng BI’s online services portal sa e-services.immigration.gov.ph.
