Ginkumpirma ni Department of Social Welfare and Development (DSWD) Secretary Erwin Tulfo, nga maga-umpisa eun ro taeatapan sa pagpanupod it one-time cash assistance sa mga indigent students halin elementary hasta kolehiyo.
Ro P500 million cash assistance program sa idaeom it Assistance to Individuals in Crisis Situation (AICS) ng DSWD hay maga-umpisa sa Agosto 20 hasta Setyembre 24.
Base sa datos, P1,000 ro mabaton it elementary pupils; P2,000 sa high school students; P3,000 sa senior high school students; ag P4,000 man sa college ag vocational students.
Ginlinaw man it DSWD nga hasta sa tatlo ka mga kabataan eamang sa kada pamilya ro makaka-avail it cash aid.
Sa Western Visayas, naga-asa ro mga ginikanan nga makabulig raya sa gastuson kapin pa sa pagbakae it mga school supplies para sa pagbukas it klase./JIL B. LACSON
