Hiniling ni Ombudsman Samuel Martires sa Senado at Kamara na bawasan at gawing P1 milyon na lang ang P51 milyon na Confidential at Intelligence fund ng kanyang opisina.
Ginawa ni Martires ang kahilingan sa pamamagitan ng magkahiwalay na liham na ipinadala sa Senado at Kamara.
Binigyan ng mga kopya ng liham sina House Speaker Martin Romualdez at Senate President Juan Miguel Zubiri.
Matatandaan nauna nang sinabi ni Martires na kung makakasira lamang ito sa reputasyon at integridad ng kanyang opisina, mas mabuti na wala siyang confidential funds sa ilaim ng kanyang termino.