Bangud sa igapatigayon it Department of Public Works and Highways nga rehabilitasyon sa Old Kalibo Bridge, temporaryo anay nga igasara raya umpisa hin-aga, Hulyo 26, alas-8 it agahon hasta Agosto 2, alas-5 it hapon.
Raya hay agod nga masiguro rong kaeuwasan it publiko.
Gina-abisuhan man ro mga biyahero nga gamiton anay rong New Kalibo Bridge II para sa mga naga-agto sa Kalibo, iba pang lugar sa Eastern side it Aklan, ag imaw man sa maga-agto sa Numancia ag iba pang lugar sa Western side it Aklan. // ANN DESLENE SALAZAR
