LAUMAN na usab ang dugang usbaw sa presyo sa produktong petrolyo karong semana sa diesel adunay P4.40/litro nga usbaw, sa gasolina P1.60/litro ug sa kerosene P4.90 kada litro ang gidugang nga patong.
Mikalampag na ang mga pampasaherong sakyanan tungod niini, samtang pabiling 10 pesos ang pletihan ug limitado pa ang pasahero nga mosakay. Sumala ni Jerome Bagus ubos na kaayo ang P150 nga kita sa pamasada ang ilang madawat matag adlaw.
Samtang dili pa mapuno ang ilang biyahe padulong ug pabalik sa turno. Tungod sa usbaw sa presyo sa lana naapektuhan ang mga presyo sa pagkaon ug bugas ug dili makatubos ang gamay nga kita sa matag adlaw aron ipalit.
Gipanawagan niini nga masulbad sa gobyerno ang sunod-sunod nga usbaw sa produktong petrolyo. I Enamie Mogpon
