Ginbisita ni PCol Victorino E Romanillos Jr., OIC APPO ro sari-saring municipal police stations ku Mayo 27.
Una nana nga ginbisita ro Kalibo MPS, sumunod ro Numancia, Makato ag Tangalan MPS.
Nasayuran nga ginbisita man nana ro Altavas ag Balete MPS.
Sa anang pagbisita, ginpadumdom nana ro tanan angot sa tama nga pagpatuman it mga municipal ordinance, maayos nga community engagement, kahauman sa Search and Rescue operations nga ginaeakipan it mga equipment, kalimpyo it estasyon ag kapakanan it kada personnel.
Sa parte man it Numancia MPS, gintan-aw man nana ro padayun nga konstruksyon it bag ong building kara.
Ginpasiguro man ni PCol Romanillos nga pagataw-an nana it oras nga bisitahon ro tanan nga anang areas of responsibility para masiguro ro kinhangeanon it tanan nga mga unit sa idaeum it anang pagpamuno para mataw-an it atensyon ag masabat ro pwersa it pulisya.
Ginpromisa man nana nga ro mga naga eksister nga progresibong programa hay magapadayun sa idaeum it anang pagserbisyo. // ANN DESLENE SALAZAR
