LEGAZPI CITY – Pigkumpirmar kan Bureau of Fire Protection (BFP) Legazpi na nagdadakol na sa ngunyan an mga boarding houses sa syudad.
Segun kay FCInsp. Marc Allan Consuegra, naglangkaw an numero kan mga boarding houses sa ngunyan na taon, kun sain uminabot ini sa 61, kumparara kan nakalihis na taon na igwa sanang 47.
An record na ini, basado sa numero kan mga nagkuang permit sa Business Permit and licensing Office (BPLO) kan syudad.
Dugang pa kaini, sinda sana an natawan nin Fire Safety Inspection Certificate asin nagsumitir ini ki mga rekisitos nganing maisyuhan ki nasambit na certificate.
Kabale sa mga pighahagad pang mga rekisitos iyo an dapat igwa ki exit area an mga estudyante en kaso magkaigwa nin kasulo nganing maibetarang ma-trap o dae makaluwas sa boarding houses.
Hagad man kan opisyal sa mga dae pa nagko-comply ki requirements, o sa mga nagninigar kan saindang boarding houses, pwedesir sinda matawan penalidad sa oras na madakop na sinda an may tagsadiri kan negosyo.
