Patuloy na nakikipagtulungan ang National Telecommunications Commission sa Starlink Internet Services Philippines Inc. para sa agarang paglulunsad ng commercial services nito.
Matatandaang ang Starlink ng Elon Musk’s SpaceX ay nag-aalok ng broadband internet services gamit ang low-earth orbit satellite technology.
Sa isang pahayag, sinabi ng NTC na deemed approved na ng ahensiya ang kahilingan ng Starlink na ang mga Starlink User Terminals nito ay mai-classify bilang customer premise equipment batay sa mga umiiral na batas at hindi na sumailalim sa radio station licensing.
Ngunit sinabi ng NTC na ang pag-apruba nito ay mangangailangan sa Starlink na sumunod sa paghahain ng aplikasyon para sa modification ng type acceptance certificates sa Equipment Standards Division ng NTC.//CA
