Upat ka mga collector sa New People’s Army (NPA) ang boluntaryong misurender sa puwersa sa kapulisan sa lungsod sa Las Nieves, Agusan del Norte kagahapong adlawa.
Gilangkoban kini nila Ka Pat, Ka Sio, Ka Ver, ug Ka Yet-yet kinsa misurender usab sa dalang kalibre 38 nga pistol nga dunay lima ka mga buhing bala, upat ka mga improvised shotguns nga dunay duha ka mga buhing bala, ug 9 ka kalibre 22 nga air gun rifle.
Sumala ni Ka Yet-yet, 61 anyos, nawad-an na matod pa og suporta ang walhong grupo gikan sa katawhan.
Mi-angkon ang mga nahisgotan nga sila ang tigkuha sa kwartang kinilkil gikan sa yanong katawhan ug mga negosyante.
Nakonsensiya na matod pa sila hinungdan sa pagtahan sa ilang kaugalingon sa otoridad.
