Bangud maabung empleyado ro naapektuhan it pagsara eabi eon ro mga mga non-essential businesses, plano makarun ni Iloilo Mayor Jerry Treñas nga amat-amat buksan ro syudad bisan nga sa idaeum gihapon it modified enhanced community quarantine (MECQ).
Maabung trabahador ro nagareklamo bangud owa it trabaho nga nagakahueogan nga owa man it kita, ag owa it pagkaun nga igadat-on sa lamesa.
Suno sa alkalde, kinhangean nanda nga tun-an ro posibilidad nga pasugtan ro maabung mga negosyo nga buksan it uman sa pihak it mataas nga kaso it COVID-19.
Ginpahayag pa it alkalde nga pagasayuron nana ro mga input halin sa mga representante it business sectors ag mga health officials agud makaangkon it sangka mas manami nga solusyon sa problema. / ANN DESLENE SALAZAR
