Wala pa sa ngayong idinideklara ang PAGASA na babawalan ang mga barko at mangingisda na maglayag dahil sa kalmado pa umano ang karagatan.
Ayon kay Commander Jeffrey Collado, head ng PCG Albay, ngayong araw ay posible ring maglabas ng advisory tungkol sa ‘no sailing policy’ kung makaranas ang lalawigan ng Albay ng malakas na pagbuhos ng ulan o sama ng panahon dahil sa low pressure area (LPA).
Batay sa kanilang monitoring, tahimik ang karagatan at may mga pag-ulang mararanasan ang ilang bahagi ng Bicol ngunit hindi naman ito tatagal, kung kaya’t nakakapagbyahe pa ang mga barko sa mga pantalan.
Dagdag pa nito, wala pa silang naitatalang stranded na pasahero sa mga pantalan sa lalawigan.
Sinabi ng opisyal, pinag-iingat na rin ang mga mangingisda na tutungo sa karagatan dahil sa LPA.
