Gin-aresto kahapon si Raymund Paner alyas Panen, 33, sambilog ka ginapatihan nga miyembro it New People’s Army (NPA) ag No. 2 most wanted person sa Western Visayas sa Barangay Tig-amaga, Miag-ao, Iloilo.
Base sa report it mga otoridad, ro persona hay miyembro it Squad 1, SDG (Suyak) Platoon, Southern Front Committee – Komiteng Rehiyon Panay.
Si Paner hay may nakabinbin nga warrant of arrest sa pagpatay kay Leonardo Donganon sa Barangay Tula-tula ku 2013.
Gin-atake man segun it suspek ro unga ni Donganon nga sambilog ka barangay kagawad.
Pagkatapos it insidente, nagpalagiw si Paner ag ang-intra sa militante nga grupo.
Naaresto ro suspect paagi sa ginsanib nga pwersa it Miag-ao PNP, Sibalom PNP, ag Antique Police Provincial Office./JIL B. LACSON
