-Reymund Titong
KABANKALAN CITY, Negros Occidental — Nagbakal sang dugang nga 11.7 ektaryas nga duta ang gobyerno probinsyal sang Negros Occidental sa balor nga P92.18 milyones pesos sa kaiping nga lugar sang Mambukal Resort and Wildlife Sanctuary sa Barangay Minoyan, banwa sang Murcia, agud nga e-preserba ini.
Duwa ka mga duta ang ginbakal sang probinsya – una ang 1.1 ektaryas sa balor nga P9, 562, 500 pesos nga ginanagiyahan ni Napoleon Ledesma, kag ika duwa ang nabakal sang Disyembre 2023 nga may kalaparon nga 10.67 ektaryas kag nagabalor sang P82, 624, 500 nga anay ginapanag-iyahan sang Mambukal Resort Development Corporation Inc.
Suno kay acting provincial administrator Alberto Nellas, Jr. ang dugang nga 11.7 ektaryas nga duta ang dugang sa 24 ektaryas nga duta sang Mambukal resort, nga may tinutuyo nga mas ma protektahan kag mapanami ang resort.
Madumduman, nga opisyal na nga nakuha sang gobyerno probinsyal ang patent title sang isa sa mga sikat nga atraksyon sa Negros Occidental.*
