DILI pa andam sa face to face classes sa Nobyembre 2 ang Notre Dame of Dadiangas University o NDDU.
Kini segun kang Brother Manuel de Leon, president sa NDDU nga daghan pa ang mga kwestyon nga angayang matubag, lakip ang class size kung ipatuman ang reduced class capacity, matunga ang klase ug magdugang og magtutudlo.
Sa DepEd order, mag-transition ang mga tulunghaan sulod sa pagsugod sa abli sa klase sa Agosto 22 hangtud Oktubre 31 ug sa November 2, magsugod na ang full face to face classes.
Alang kang de Leon dili pa gayud sila andam tungod kung susama lang matud pa kaniadtong pre pandemic, walay problema tungod walay problema sa class size.
Mas gusto pa gihapon nila nga ipadayun ang blended learning delivery system tungod anaa pa ang bahad sa COVID-19 ug kinahanglan pa ang health protocols.
Sa bahin sa Coordinating Council of Private Educational Associations of the Philippines kun COCOPEA muhimo sila og survey sa mga miyembro ug kung unsa ang makasabutan, ipresenta sa DepEd ug mamasin nga basin makakab-ot sila og compromise.
Sa pagtuo ni de Leon ang blended learning inubanan usab sa face to face lakipan sa virtual platforms ang maoy mahimong direksyon sa pagpanudlo isip anaa na sa new normal.
