LEGAZPI CITY – May mga pigsususpetsaran an National Bureau of Investigation (NBI) Bicol na mga pulitiko sa rehiyon na imbwelto asin nagsusuporta sa Conception Criminal Gang.
Segun sa NBI, wara sindang nakuang listahan kan mga imbweltong pulitiko alagad igwa sindang mga pigsususpetsaran.
Apwera man sa mga pulitiko, may mga sinususpetsaran man su boot sindang mga kontraktor na posibleng suportadores kan criminal group.
Pigsiyerto kan ahensya, padagos an saindang imbestigasyon asin iva-validate man nindang maray anumang impormasyon an makua.
Mientrastanto, laoman su boot an mga operasyon kan NBI sa mga masunod na aldaw.
