LEGAZPI CITY – Tinawan-doon kan Nagkakaisang Bantay Bayan ng Pilipinas, Inc. (NBBPI) na magigin maigot an saindang pagpapautob kan traffic laws asin traffic ordinance sa Albay tanganing mabawasan an mga aksidente sa tinampo asin violators.
Ini an sinabi ni Sonny Balala, Executive Regional Director kan nasambit na grupo sa Brigada News FM Legazpi.
Segun kay Balala, tatawan nin atensyon asin tututukan ninda an mga nagbabalgar na motorista siring kan driving without license asin an mga unregistered vehicle.
May mga pigtatawan man sindang konsiderasyon kun ibang violation alagad kun an violation iyo an driving without license asin unregistered vehicle, wara sindang papatawadon o papalusuton.
Sinabi pa ni Balala, trabaho ninda na ipautob an anuman na nakabugtak sa provincial ordinance tanganing malikayan an mga aksidente sa tinampo urualdaw asin maibetaran an mga penalidad kan mga motorista.
