Tinguhaon sa Nazareno Parish Church nga walay mahimong kakulian sa pagsaulog sa kapistahan sa Itom nga Nazareno dinhe sa Cagayan de Oro karong Enero 9, 2022.
Gibutyag ni Nazareno Parish Church Priest Monsignor Perseus Cabunoc nga dili nila itugot nga mahimong tinubdan sa unsa man nga problema ang selebrasyon.
Busa apelar niini sa mga magtutuo nga sundon ang pahimangno sa otoridad tungod alang kini sa kaayuhan sa tanan.
Gidasig usab ang mga adunay sakit, mga mabdos ug mga senior citizen nga magpuyo na lamang sa panimalay atol sa kapistahan kini ilabi na nga dako ang bahad sa Omicron variant sa COVID-19.
Kahibaloan nga karon nga tuig, subli nasab nga ikanselar ang pagpahigayon sa traslacion sa Itom nga Nazareno.
