AS of August 31, 2021 mikabat na sa 139,949 ang total doses administered sa bakuna batok COVID-19 sa mga priority groups sa GenSan.
Sa mga naturukan og 1st dose mokabat sa 89,863 samtang 2nd dose o fully vaccinated mokabat sa 50,266.
Sa datos nga gipagawas sa City Health Office sa vaccine statistics as of August 31,2021, sa mga A1 o frontline health care workers, mokabat sa 18,254 ang first dose ug 14,423 ang fully vaccinated.
Samtang sa A2 o senior citizens, ang first dose mokabat sa 13,583 samtang sa second dose naa sa 11,757.
Sa A3 kun adult with comorbidities, sa first dose anaa sa 18,431 ug 16,530 ang fully vaccinated.
Samtang sa A4 kun essential workers, sa nakadawat og first dose mokabat sa 39,415 ug 7,556 ang fully vaccinated.
Sa mga adunay concern sa schedule ug uban inquiries sa pagpabakuna, mahimo nga makigsayod sa inyong barangay RHU.
Gitino usab sa City Health Office nga walay walk in sa mga bakuna center nga nahimutang sa mga mall sa GenSan.
