LEGAZPI CITY – Ipinagdiriwang ngayong buwan ng Nobyembre ang National Rice Awareness Month (NRAM) sa pamamagitan ng mga serye ng aktibidad para sa mamamayan upang magkaroon ng kaalaman sa pagiging responsable.
Ang tema ng pagdiriwang na ito ay “Ready? Set rice! RICE-ponsible Filipinos, Save Rice Eat Healthy and Try Brown Rice.”
Ayon sa Department of Agriculture Philippine Rice Research Institute (DA-PhilRice) Bicol, ang pagdiriwang ngayong taon ng NRAM ay maghihikayat sa bawat Pilipinong kumain ng sapat na kanin at magluto o magsaing ng brown rice at rice mixes.
Ang RICE-ponsible ay mula sa salitang rice at responsible.
Hinihikayat din nito ang publiko na maging calorie-wise dahil sa iniulat ng isang pag-aaral mula sa Harvard School of Public Health na ang carbohydrate content ng isang bowl ng kanin ay katumbas ng dalawang lata ng softdrinks.
Sa halip umanong white rice ang kainin, maaaring brown at pigmented rice, at kumain ng mas maraming corn grits, saba, kamote at kamoteng kahoy.
Samantala, ipinagdiriwng din ang ikatatlumpu’t dalawang anibersaryo ng pagkakatatag ng DA Phil- Rice na may temang “Charting the Courses of Rice Secure Philippines.”
