Nanabong hinay og radar, naabtan
Dakpan ang usa ka ulitawo samtang swerte nga nakaikyas ang ubang sabungero atol sa gikasang Joint Police Operation on Illegal Gambling sa Purok Bombil, Brgy. Bulacan, Malalag, Davao del Sur.
Sa report sa Malalag Municipal Police Station, ala una karong hapon nadakpan ang usa ka Jayger Villarmia Alfanata, 23 anyos, ulitawo, way trabaho ug residente sa maong lugar human naabtan sa lugar gitarian.
Nakamatikod matud pa ang ubang sabungero sa nagsingabot nga mga pulis nga paspas pa sa kilat nanagan ug gipangbiyaan ang mga tsinelas apan si Alfanta naabtan.
Narekober sa gipahigayunan sa tari-tari ang duha ka bihag ug usa ka buhi nga manok samtang ang dinakpan ana-a karon sa Malalag Municipal Police Station ug gi-andam na ang kasong ipasang-at kalabutan sa PD 1602 (Illegal Gambling) ug RA 11332 ( “Mandatory Reporting of Notifiable Diseases and Health Events of Public Health Concern Act”.)
