Nakit-an sa baybay it sitio Palompon, Barangay Manapao, Pontevedra kahapon ro eawas it an-um anyos nga unga matapos ro daywa ka adlaw nga pag-inusoy
Matandaan nga ku Setyembre 24 nagsunod ro unga sa anang tatay para mag-adto sa laot agud maghatod it mga bisita sa President Roxas, Capiz.
Mga mabahoe nga baeod ro humampas sa bangka rason nga raya hay nag eugdang.
Nauewas man ro tanan nga mga pasahero it bangka pero nabigo ro ama nga ieuwas ro anang unga.
Meain-eain man nga mga rescue groups kapareho it Municipal Disaster Risk Reduction and Management Office it President Roxas ag Pontevedra, ag Active Lutod-lutod Emergency Response Team ro kaibahan nga nag-usoy sa eawas it unga./JIL B. LACSON
