Di tiaw nga pagbangutan ang gibati sa isa ka pamilya human namatyan og membro dihang naligo sa Brgy. Poblacion, lungsod sa Carmen, Agusan del Norte pasado alas – 4:45 sa hapon sa nakalabay’ng adlaw.
Sa impormasyon sa Carmen Municipal Police Station, gisuwayan pa pagdala ang biktima sa Nasipit District Hospital dihang nakit-ang naglutaw, apan wala na kini natabang pa.
Base sa imbestigasyon, naligo matod pa ang biktima kuyog ang iyang maguwang kinsa pulos nakainom adtong higayona.
Kalit lamang matod pa nawala ang biktima hinungdan nga ilang gipangita, apan paglabay sa pipila ka minuto, nilutaw na kini og walay panimuot.
Ang biktima mao si Ryan Amoguiz Algonas, residente ra usab sa maong dapit.
