MALINAO, AKLAN—Nag-angkon it maabo nga nina sa eawas himo it pagpang-eabo do nasapwan nga bangkay it eaeaki sa bahin it Sitio Fatima Hills, Brgy. Bulabod, Malinao, Aklan.
Raya do ginkumpiram sa Brigada News FM Kalibo ni PLT Merrifien Caricusa, OIC it Malinao Municipal Police Station.
Suno kana, nabudlayan pa sanda sa makarun nga matumod do sa likod it pagpatay sa biktimang si Lauro Fernando, 55 anyos bangud nga owa man sigon raya it nakaaway sa andang barangay base sa andang pag-imbestiga at kamana man base sa panaysayon it ana nga pamilya.
Padayon man sigon do ginaobra nandang mas madaeom nga imbestigasyon agud nga matumod do may kahimuan sa krimen kadungan sa pagpanawagan sa publiko nga basi may nasayuran sa insidente nga makipagbuligan sa mga pulis.
Kung madumduman, nasapawan ku nagtaliwan ang adlaw do bangkay ni Fernando sa kagubatan nga owa it suksok nga pang-ibabaw nga eambong ag nagakaagnas eon. // SHERRY ANNE REUNIR-VIDAL
