KALIBO, AKLAN—Ginpaidaeom eon sa GCQ ukon general community quarantine do ang probinsya it Aklan umpisa sa September 8, 2021.
Kaangot kara, lifted eon do mga barangay checkpoint ag pagaobrahon nga 50 katawo maghalin sa 15 do pagapasugtan nga makasueod sa Kalibo maghalin sa nagkasari-saring banwa sa probinsya.
Pagapasugtan man do dine-in sa mga restaurant ag pwede eon nga magbukas do mga personal care services kapareho it salon ag barbershop apang hasta eang sa 30% do kapasidad.
Mas ginpahaba man do operasyon it mga establishemento nga gin-obrang hasta it alas-7 it gabii ag do sa mga public transportation hay hasta it alas-8 it gabi.
Samtang, ginduea eon do liquor ban apang do ginapasugtan eamang hay do pag-inom sa sueod it panimeay ag magapabilin do curfew hours nga alas-8 it gabii hasta sa alas-4 sa agahon. // SHERRY ANNE REUNIR-VIDAL
