Gibutyag sa Kadumalahan sa Trento Municipal Police Station pinaagi ni Police Major Carmelo D Malubay ang hepe sa Trento nga padayon pa gihapon kasamtangan ang ilang gihimo nga pag panubay sa nahitabong Tulis sa milabayng Adlaw.
Madumduman nga gi Tulis sa tulo ka wala mailhing Suspect ang usa ka Gasoline station ning lungsod nga nahimutang sa may Purok 1 Cadena de Amor Crossing Cuevas sakop sa Brgy Cuevas ning Lungsod banda alas 10:57 sa Buntag ug Diin Nalimas ang Kapin 50 mil pesos nga halin niini.
Sumala pa sa Nahisgutang Opisyal nga Aduna na silay gihimong lakang sa Pagka karon pinaagi sa pamig Koordinasyon sa Veruela PNP human nga gitulis usab sa susamang adlaw ang usa ka Cebuana Authorised Agent nga nahimutang sa may Purok 4 Brgy Sampaguita Veruela Agusan del sur.
-END-