LEGAZPI CITY – Dakula an pasasalamat kan nagkapirang mga Brigada Eskwela Coordinators sa mga eskwelahan sa siyudad kan Legazpi sa serbisyo asin presensyang pigtatao kan mga Men in Uniform sa taon-taon na aktibidad na saindang pigsasagibo.
Segun kay Cesar Cariño Jr., Chairperson, Advocacy, asin Marketing Committee kan Cabangan High School, nagpapasalamat subuot sinda sa tabang na pigtatao kan mga men in uniform arog kan PNP, BFP, asin iba pang ahensya sa saindang Brigada Eskwela taon-taon.
Halagad, pighahagad man ni Cariño an koordinasyon kan lambang mga Barangay na nakaplibot sa saindang eskwelahan arog kan Brgy. 18, 19, 20, 21, asin 22 na magpartisipar sa paglinig kan saindang eskwelahan, ini dahil man dakolang porsyento kan mga estudyante sa saindang eskwelahan, iyo subuot an hale sa nasambit na mga brgy.
