LEGAZPI CITY – Kinumpirmar kan Department of Agriculture (DA) Bicol na sa kabilugang 168 stall markets sa Bicol Region, may duwang banwaan pa sa magkasuway na probinsua an dae nakakautob kan price ceiling sa mga bagas.
Sa intrevista kan Brigada News FM Legazpi kay Department of Agriculture (DA) Regional Spokesperson Lovella Guarin, sinabi niya na ini an mga banwaan kan Daraga, Albay asin an Pili, Camarines Sur.
Sa Daraga, out of 15 rice retailers ,may sarong tindahan an dae pa nagg-uutob, mantang sa Pili, sa 15 retailers igwa man nin sarong paratinda an dae pa nagsusunod.
Mientrastanto, tinawan nin warning an mga tagsadiri kan tindahan alagad sa pagbwelta su boot ninda, sa oras na dae magsunod sa price ceiling tatawan na sinda ninda ki notice of non-compliant.
