NAGA CITY- Komportable ang mga pasahero, may siguradong arawang sahod ang driver at nakadagdag sa employment rate dahil may konduktor.
Ilan lamang ito sa mga benepisyo ng modernized jeepney at pagcoconsolidate ayon kay Naga City Allied Transport Cooperative (NACIATRASCÓ) Chairman Danny Cosa.
Aniya, malaki ang maintenance sa dating jeep pero ngayon hindi pa ito nila ramdam. P400.00 ang arawang sahod ng driver habang P365 naman sa konduktor.
Hinaing ng mga driver na ayaw mag consolidate hindi nila kayang bayaran ang unit.
Ayon naman kay Cosa, isa ito sa mga kagandahan ng may sinalihang kooperatiba. Sampung mga modernong jeep ang kumakayod Del Rosario patungo sa Panganiban at Centro habang limang unit naman , Panicuason-Carolina-centro at bise versa.
