MALAY, AKLAN—Hugot nga naga kontra ru mga Nabaoy Defenders sa proyekto nga gina pagpatindog it Petro Wind sa Brgy. Nabaoy, Malay, AKlan.
Sa panel press conference, gin paabot it mga Barangay Officials at pilang ka mga residetne sa lugar ru pag question kun ano ru mga rason it mga nag pabor nga mayoriya it SB Malay sa pag endorse it Phase 2 sa Petro Wind Project.
Nasayuran nga ru mga nagpabor hay sanday Malay Vice Mayor Niño Cawaling, ABC President Manny Casidsid, SB Member Datu Sumndad, SB Member Dante Pagsugiron at SB Member Loyd Maming.
Samtang, bukon it pabor sanday SB Member Alan Palma Sr., SB Member Vicky Aguirre, SB Member Natnat Paderes, SK Federation President Shiela Sacapaño.
Nag-abstain sina SB Member Junthir Flores at SB Apio Casidsid.
Gin taw-an it bug-at it mga defenders nga sanda hay maga kontra mentras tanto nga indi ma explikar it mayad ru project.
Gin klaro man it mga raya nga uwa sanda naga baeabag sa project kun raya hay naga tao it bastante, mayad nga supply it koryente kundi indi pag-ikompromiso ru environment.
Mentras tanto nga indi mahalin ru proyekto sa ibang lokasyon hay una gihapon ru andang pagpamaeabag sa Petro Wind Project.
Nasayuran nga ru Nabaoy River hay main source it tubi sa Malay maeapit sa isla it Boracay.//MARIVIC Y. ILIN
