Posibleng uman nga indi pag ipatuman makarung dag-on it mga kapulisan ro muzzle sealing sa andang mga service firearms sa pagsugaeaw sa Bag-ong Dag-on.
Raya hay base sa pahayag it pamunuan it Aklan Police Provincial Office (APPO).
Pero ginklaro nga owa pa sanda nakabatun it direktiba kaangot kara.
Nasayuran nga ku nagtaliwan nga dag-on hay owa man nagpatuman it pagselyo sa mga baril it mga pulis bangud kaabuan segun sa mga pulis makarun hay mga disiplinado.
Pero ginpadumdom nga ro sin-uman nga pulis nga maeakot sa indiscriminate firing hay mapahalin sa serbisyo. / ANN DESLENE SALAZAR
